السبت، 28 فبراير 2009

*** وليس لنا اختيار.



يأتي الإنسان إلي الدنيا مسيرا ويرحل منها كذلك ومابين صرخة الميلاد وصرخة الرحيل يقضي حياته مسيرا تارة ومخيرا أخري وحتي هذا الاختيار غالبا ما يكون ليس لنا فيه اختيار....هكذا وصلنا أنا وهي إلي تلك النقطة لا بعد مراجعة أو معاودة في النقاش كما تقضي طبائع الأمور ولكن بعد أن قررت هي ذلك ووجدتها أنا فرصة للاختلاء بالنفس وخاصة أن هذه القرارات تتمشي مع سياستي في أن مستقبل الأبناء والشكل الاجتماعي للأسرة بالنسبة لهم فوق كل الاعتبارات ونحن لدينا فتاة يطرق الخطاب أبوابها... وإنني رغم كوني مسلما إلا أني أميل إلي زواج شبه الزواج المسيحي الذي يكون فيه الطلاق شبه مستحيل... فكان علينا أن لا نهدم المعبد علي رؤوسنا و رؤوس من معنا و علينا أن نحافظ علي رتابة الحركة داخله وإن خلت من دفء الطقوس واحتفظت بشكل المراسم.....فلتكن هي أم لا زوجة ولأكن أنا أب لا زوج مهمتي التمويل ومهمتها الخدمة ولينظم كل منا علاقته بالأبناء بمعزل عن الأخر باستثناء القرارات المصيرية فمرجعها إلي وإلي من يهمه الأمر من الأبناء........مر أكثر من شهر لا يجمعنا متجاورين في المنزل سوي مائدة الطعام ومشاهدة التلفاز....صحيح أني لم أتعود علي مثل هذه الحياة وأحس أن شيئا ما هناك ينقصها ويجعلها طعمها مثل طعم فاكهة الصوب البلاستيكية ولكن ...لا شجار لا نقاش في أمور بالنسبة لي منتهية ولا اقبل فيها المناقشة....أدير ميزانية البيت بلا أي تقصير ولا شكوي .....الأبناء لا يحسون بان هناك فرق في هذه الحياة وما قبلها بالمعني الأصح يعيشون حياتهم ..الكلام رسمي جدا وفي أضيق الحدود لا نذهب إلي العمل سويا و لا تركب معي السيارة أيضا كما تعودنا وبالطبع لا نذهب سويا لأي مجاملات أو زيارات للأصدقاء قد نلتقي علي باب المصعد قدرا لا كلام ولا سلام حتي بالصيغة الرسمية التي تحكم علاقتنا بالمنزل..أصدقكم القول في المرات العديدة السابقة والتي كنا نتخاصم فيها أو نختلف كانت تمر علي الأيام ثقال حتي تعود المياه إلي مجاريها ولكن هذه المرة تبدوا الأمور عادية بالنسبة لي علي الأقل لا إحساس بسوط الوقت يجلدني ولا رغبة أو تلهف في عودة المياه إلي مجاريها....لقد وجدت في مدونتي هذه بيت آخر وحياة أخري وحتي في الكتابة ذاتها وجدتني اردد أبيات لما سميته قصيدة في أيام الشباب الحالمة حيث الرومانسية البريئة التي لم تشوه صورتها الحياة قسوة الحياة أقول فيها .

* انتظار

وأبحث عنك بكل الديار
أجوب الفيافي وحتي القفار
وتمضي الليالي ويبقي السهاد
يقلب بين الحنايا العذاب
أنادي.....أنادي
فلا صدي صوتي يجيب
يعود ويحمل بين يديه
تلال من اليأس والانتظار
أري في عيونك
ألف سؤال وألف جواب
ولم تسألين وعندي الجواب
أري في عيونك قلق وخوف
وعلي أسافر عبر العيون
أداوي وأمحو عنها الشجون
فأنت المدي وأنت الحدود
وأنت وفاء بغير وعود

* لست ادري أكانت شعرا؟ أم كلمات منمقة؟ لكني أيامها كنت أري أنها أبيات من الشعر الحديث ورأيت أن أكتبها كما كتبتها في ذلك الوقت دون أي تعديل قد تكون الخبرة وكثرة القراءة أضافته إلي معارفي وقدراتي.

هناك 28 تعليقًا:

بنت الغربة يقول...

اوول تعليق
مش عارفه ااقولك ايه ...بس انت شايف ان الحياة كده بينكم مستمرة؟؟؟
او حتى ليها طعم او لون او ريحه؟؟؟
انتم بالضبط منفصلين ...ايه يعنى عايشين تحت سقف واحد ..وانت فى وادى ..وهى فى وادى تانى ...
تفتكر الحكايه دى هتستمر قد ايه ؟؟؟
ومايجيش واحد تانى فى حياته يحسسها انها انثى مش ام بس..وظيفتها تنظف البيت وتطبخ وتحافظ على المنظر العائلى بس؟؟؟
ليه متوقع انها حجر ..؟؟؟؟
ومش متضايقه من اللى حصل ده ؟؟؟
ليه بعد العمر ده كله تحسسها انها ولا حاجه ؟؟؟
وان ده اخرها فى حياتك ...منظر بس...
ده حتى مايرضيش شرع ربنا يامسلم ..
من حقها كزوجه وليها حقوق انها تستمتع بزوجها ...ولا انت شايف ان ده مش من حقوقها ؟؟؟
ولا مش من واجباتك كزوج مسلم وبيعرف ربه ؟؟؟ولا هى الواجبات انحصرت بس فى مصرووف البيت والشكل العائلى ؟؟
يعنى مدونتك دى هتعوضك عن حنان زوجه محبه ..ولا عن حضن امرأه بتحبك ..ولا عن اهتمام وخوف واحده عاشرتها عمرك كله ؟؟؟؟؟
حتى لو جوازك كان تقليدى مش عن حب ...كل الجواز بيبقى زى بعضه مع مرور السنيين والملل الزوجى بيظهر..
عااادى جدا ..حتى لو كنتم مقطعين بعض حب قبل الجوااز ...
ماتزعلش من رأى ..بس انا مابحبش خراااب البيوت ..حتى لو شكلها من بره كويس...برضه سوس الخراااب هيظهر ....
تحياتى

غير معرف يقول...

السلام عليكم اخي الكريم

هذه ليست حياة فهي تورث القهر والمرض

لازم يكون في وسيلة لنفض الغبار المتراكم

بينكما فالاولاد مصيرهم الى بيوتهم ان

شاء الله وبعدها ما المصير؟

حاول اخي جاهدا ان تسير الحياة بينكما بالسكن والمودة

ابدأ انت واصبر تحايل لاعادة المياة لمجاريها

الحياة ليست مصروف ولا تنظيف انها اسمى من ذلك

اتمنى من الله ان اسمع منك ما يكسر هذا الملل وان تعود حياتكما كما كانت ان شاء الله

تقديري

غير معرف يقول...

اعتذر عن غيابى المتواصل

ولكن الامور متعقدة شوية

اعتذر لك عن عدم قراءتى لموضوعك

لضيق وقتى

وتقبل اعتذارى حتى اعود

لك منى اجمل الامنيات

نفرتارى يقول...

غير حياتك واجعل لها لون وطعم وشكل مختلف .. ابدأ من جديد حاول تجد الحلقة التى فقدت بينكم سواء كانت منك او منها ابحث عنها وحلها انت واكيد ستجدها وتتمتعوا من بعض جميعاً بحياة بسيطة صافية عن اى عناء ان شاء الله .

تحياتى .. ومع تمنياتى فى البوست القادم بحلول كل المشاكل ان شاء الله ،،

نفرتارى

إيناس حليم يقول...

صديقي الغزيز

صدقني أنا مش عايزة ألعب دور الناصح خالص لأن اكيد كل الكلام اللي اتقال واللي هيتقال انت عارفه كويس..

بس أول حاجة جت في بالي ونا بقرا كلامك ده احساس بنتك وأولادك في البيت

استمرار الجواز بالطريقة دي مش حل خالص صدقني
لو شايف ان الانفصال هو الحل يبقى تعملو ملكش دعوة بالناس والتقاليد

من حقك تعيش سعيد وهي كمان من حقها تعيش سعيدة واولادك من حقهم يعيشو من غير عقد

صدقني كل انسان في الدنيا عنده شيزوفرينيا.. انت وحش وكويس وهي وحشة وكويسة
مفيش حد فيكو السبب
فيه حد طباعه تنفع لحد او لأ..
فيه حد شايل من حد ومش عارف يكمل معاه كدة
وفيه حد تاني عنده استعداد يعدي ويسامح وينضف قلبه

مينفعش تعيشو كل واحد شايل لتاني سكينة ورا ضهرو

مفاضلش في العمر كتير عشان تضيعوه في حزن وكره وخنقة

مدونتك مش هتريحك.. اللي هيريحك توصل للجذور وتعرف اسباب المشكلة عشان تحلها
واذا مفيش حل يبقى الانفصال
يمكن يكون حل لحياة أحسن من اللي انت عايشها

تعلقك بمدونتك الجديدة ونشوتك بيها هتزول قريب اوي
دايما اللي بيفضل من الأشياء أصلها

و الأصل عندك هو بيتك و راحة قلبك وبالك عشان تبقى سعيد

تحياتي

mahasen saber يقول...

اولا حضرتك نورت التدوين
واسفه جدا على التاخير فى الزياره

ويا رب تلاقى فى التدوين البلسم اليى يعينك على مناوشات الحياه

mahasen saber يقول...

بس انا شايفه ان الامور هتتغير للاحسن وهترجع لنصابهها الطبيعى
وان الفجوه دى هتتسد قريب ان شاء الله

وهترجع حضرتك وزوجتك كما الماضى فى اسعد حال

على الاقلل ده اليى انا بتمناه

Kiara يقول...

طب ليه مش بتقول الكلام دا ليه كدا تبقي الحياه ممله اوي

بنت الغربة يقول...

مش قادرة افهم تعليقك عندى
ليه العلاقه لازم تكون بالشكل اللى انت وصفته؟؟؟؟
الراجل ..راجل ..والست ..ست
كل واحد ليه حقوق وعليه واجبات..
وليه تتنازل اساسا عن حقوقك ..انا فعلا مش قادره افهم ..
ماينفعش تقوم من النوم مثلا ..وتبوسها وتقولها صباح الخير و..ماتزعليش..انا مليش غيرك ..وبحبك..
وبلاش نتكلم فى اللى حصل ..وخلاااااص..
نبدأ صفحه جديده..
ماعتقدش ابدا ان ده يقل من حقوقك او مكانتك كزوج وأب....
فكر فيها علشانك انت ..انت فى سن محتاج للحب والحنان ...مش معنى كده انك كبيير...لالالالالا
لكن كل سن وليه احتياجاته..محتاج للمشاعر الجميله من تانى ..وانك مرغوب فيه من جديد وانك لسه عاايش كاراجل قبل ماتكون زوج وأب..
دى الحقيقه ..صدقنى
حاول تعيشها هى كمان المشاعر دى ..جرب..حسسها انها لسه صغيرة ولسه ست ..مش ام ولازوجه بس..
جرب جوه البيت الاول..قبل ماتشوف بره..لان ده اللى هيحصل لو استمر الوضع كما هو عليه..
وسورى مرة تانيه لو زعلت من صراحتى..
تحياتى

وردة يقول...

علي الرغم من اللي بتقوله ده مميت مش خانق بس
بس في قاعدة انا عن نفسي بحبها جدا
ابدأ بنفسك
الحياة مش بعيشها غير مرة واحدة وبس يبقي ليه نعيشها في نكد وهم
اظن ان حاله الامبالاة اللي ات بتوصفها سببها التجاهل المستمر من الطرفين للمشكلة
فأصبحت عادة
ليه متحولش انت ترجع الميه لمجاريها
الكلام الحلو اللي في مدونتك هي الاحق بيه
طيب بلاش
هي معملتش معاك اي حاجة كويسة طول مشوار حياتكم تستاهل انك تبدء وتصالحها
مفتاح المرأة الكلمة الحانية مهما كانت قوتها او جبروتها
حاول مش حتخسر بالعكس حتحس بالتغير
حتحس انك لسه عايش
مش مجرد خيال لبقايا انسان
ربنا يكرمك ويصلح لك الحال
واسفة لو طولت عليك
سلام

أم فريده يقول...

انا مش عارفة اقولك اية

ممكن الامور توصل بين اتنين للمرحلة دى

ويكون الصمت هو الحل الوحيد صعب اوى الحياة دى وصعب كمان ان ممكن حد يعيشها ويفضل عايش حتى من غير امل

دة الحياة من غير امل فى بكرة بيبقى صعب جد

بس لازم تفكر تانى وتحاول

زى ما انت صابر على الحياة دى عشان خاطر اولادك

حاول تانى برضة عشان خاطرهم


تحياتى

المعتصم يقول...

بسم الله الرحمن الرحيم
السلام عليكم ورحمة الله وبركاته
سيدى الفاضل
تحياتى
مش عارف انا قريت الموضوع كويس ومش عارف اقول ايه بالظبط
بس وماذا بعد ؟؟؟ بعدلما الاولاد ينشغلوا بحياتهم وكل واحد يروح دنيته هتعمل ايه او بمعنى اصح هتعملوا ايه
متهيألى يعنى انه ماينفعش ساعتها انكم تقولوا الانفصال والا من دلوقتى يكون افضل لو هو الحل الوحيد وماينفعش يفضل الوضع كده لغاية اما يحصل موضوع انشغال الابناء وساعتها نبقى ندور على الحل
وكمان ماتفتكرش ان اولادكم مش حاسين بالتغير ده
دى عن خبرة بقى انا بعرف وبحس اى حاجه بتحصل بين والدى ووالدتى صحيح انا بالنسبه ليهم مش بيبان عليا وبتكون الامور ماشيه وكأنها عاديه انما بجد الموضوع ده متعب جدا نفسيا
سيدى الفاضل ياريت تدورو على حل مع بعض
واعذرنى لو قلت انكم لو ماقدرتوش تتوصلوا لحل يبقى الانفصال افضل حل
مش عارف هو ده رأيى وممكن يكون فيه حاجات تانى انا مااعرفهاش وممكن يكون فيه حلول تانى انا ماقدرتش اوصلها او افكر فيها
تقبل مرورى وتحياتى
ودمت بكل خير وود
والسلام عليكم ورحمة الله وبركاته

فكرة من الزمن ده يقول...

قيس بن الملوح كلامك محزن اعتدنا في هذه السن ان يكون الاباء سعيدين بما انجزوا من تربية وتعليم ابنائهم لكن ما تشعر به يشعرني بالاحباط
واريد ان اسالك يؤال مهم هل زواجكم كان تقليدي ام كان عن حب؟

حياتى نغم يقول...

أستاذ قيس / السلام عليكم أعانك الله على ما أنت فيه ولكنك أصبتنى بالخوف والإحباط هل من الممكن أن تكون العلاقه بين الزوجين هكذا مع مرور الزمان ؟؟؟
ما كتبته محزن جداً ولا أحد يرضى بهذه الحياة الفاترة الخالية من الدفء والمشاعر لابد من حل وإيجابيه منك سيدى لا للإستسلام لازلت حى سيدى ولابد أن تعيش وتشعر بالسعادة ما بقى من عمرك بارك الله فيك . ووفقك فى كل شئونك .

Soul.o0o.Whisper يقول...

أستاذى العزيز /

السلام عليكم و رحمة الله و بركاته..

أولا أعتذر عن التأخير ،
ثانيا يمكن أنا بأسهب فى الكلام المثالى
رغم انى مش باحب الفلسفة ،

بس والله من باب و تعاونوا على البر و التقوى ..

على العموم عاوزة أقول كام نقطة
و ياريت حضرتك تتقبلهم :

يأتي الإنسان إلي الدنيا مسيرا ويرحل منها كذلك ومابين صرخة الميلاد وصرخة الرحيل يقضي حياته مسيرا تارة ومخيرا أخري وحتي هذا الاختيار غالبا ما يكون ليس لنا فيه اختيار *
أولا بأختلف معاك فى النقطة دى
دلوقتى حضرتك دخلت المدونة و شوفت التعليق بتاعى
بإيدك انك تقراه او لا ...حسب مزاجك ، صح ..
ليك الاختيار اهو ..
بس انت هتقراه ، و عشان ربنا عارف انك هتقراه ... فكتبه عنده

لما قابلت زوجتك فى أول مرة ، سواء كان زواج صالونات ، أو عن حب ..
ساعتها قبلت انها تشاركك حياتك ..
و عشان ربنا عارف انك هتختار دى فكتبها عنده ...

يعنى حضرتك لك الاختيار ..بس لأن ربنا اعلم بنفوسنا منا ، كتب عنده الامور دى ..
طب ليه بئا الحياة ؟؟؟
عشان ربنا يشهدنا على أنفسنا ،
انت كان بايدك الاختيار .. بس انت اخترت دا ..
يعنى ماكتبتش حاجة ظلم ..
فماتقولش إن ربنا كتب عليك كدا ،
لأن انت بإيدك الاختيار ،
بإيدك تعمل اللى عاوزه ..
فشوف انت تحب تكون حياتك عاملة ازاى و جرب ،و الرسول صلى الله عليه و سلم قال عن رب العزة ( أنا عند ظن عبدى بى )
لو ظنيت فى ربنا الخير ،و إنه هيقف جنبك و مش هيسيبك و هيعينك انك تغير حياتك للاحسن ، و حاولت فعلا انك تغير , هتلاقيه جنبك و بيساعدك
أما لو قلت مفيش فايدة و هى الحياة كدا ،و يأست ..
فخلاص ، ما ننتظرش بئا ان ربنا يبعت المعجزة من عنده ...

و بعدين عاوزة أسأل حضرتك سؤال معلش ، و مش عاوزة إجابة ..
حضرتك تجاوبها مع نفسك ، هل عاملتها كما عامل رسول الله صلى الله عليه و سلم أزواجه ؟؟
من كلمة طيبة ، و مساعدة فى عمل منزل ولو أقل أقل القليل ، بهدية رمزية ، بأى شئ؟؟

لقد اعتدنا دائما ان الهروب أسهل وسيلة لاى مشكلة ...
فأصبحت المدونة و التلفاز وسيلة لتمضية الوقت ..
و بداخل كل منكما ضيق ، إذا اختلى بنفسه يقض عليه مضجعه ..
فيعود ليلهى نفسه بما ينسيه ، و المشكلة مازالت قائمة ..

الحياة بينكما اصبحت باردة قاسية ، بسبب التجاهل ،و هو أقسى انواع الوسائل لقصم أى علاقة ..

و لكن صدقنى بالمصارحة سيزول الامر ان شاء الله ..

و صدقنى امامى نموذج حى ،كما اخبرتك سابقا ..
و اعتقد الحياة بينهما أفضل كثيرا مما سبق ... بمراااااااحل ..

أتمنى لك أنت أيضا حياة سعيدة ،
و لتكن محاولتنا معذرة إلى ربنا ..

حتى لا يكون صمتنا حجة علينا ..



عذرا على الاطالة ،

و دمت بود ..

صدى الصمت - عاشقة الورد - يقول...

لن تنفرج الأزمة بالبعد والهجر والحياة الباردة الجافة
الحوار والتواصل والتفاهم أقصر طريقة لهدم الجدار العالى بينكما
ألا تذكر لها معك أى ذكريات أو لحظات جميلة تشفع لكما فى ظل هذة الأزمة ؟
راجع نفسك وعيد حساباتك من جديد وأنظر للموضوع بصورة محايدة وإبدأ معها من جديد
تحياتى

عاشقة الورد

ستيتة يقول...

عزيزي قيس
هل وجدت فعلا الحل؟
هل تظن أن البيت هاديء؟
حضرتك كبير وفاهم كلامي

انتما تجلسان فوق بركاااااااان
ينتظر الوقت المناسب "اللي هو في قدر الله معلوم" علشان تخرج حمم نارية تأكل كل مازرعتم

مفيش راجل يقدر يعيش وحيد وسن الخمسين مش سن كبير .. يعني جواز الكاثوليك مش ها يدوم
ياأنت ها تشوف الحنان في مكان آخر "ممكن يكون ده مش متوفر دلوقتي في بلاد واق الواق" لكن في يوم ممكن يتوفر

ياهي تحس "وممكن متحسش .. انا عارفة ان فيه نوعية ستات امومتها بتاخدها من أنوثتها" لكن فرضنا حست وخافت ان العمر يجري بيها وتلاقي نفسها في الكبر وحيدة .. انفجار البركان

معقولة مشاكلكم كبيرة قوي كده لدرجة حتى السلام مش وارد؟

انتم طبعا سيبتم الدنيا تراكمت لحد ما باظت .. اتصرفوا .. متستنوش البركان .. ده خطر على ولادكم اكتر منكم

لو اتخيل الدنيا كده أظن أن ده موت بطيء بيموت عضو عضو في اجسامكم

الست ساعات "ونتيجة للتربية الخاطئة الشرقية الزفت" بتكابر انها تقول لزوجها محتاجاك .. بس مفيش انثى على وجه الأرض مش محتاجة حنان جوزها .. مؤكد فاهمني

رضاكم الله بما كتب وفتح العقول والقلوب .. فالقلوب بيديه يقلبها بين الكاف والنون

تحياتي

د/عرفه يقول...

السلام عليكم
اولا اهلا بيك دى اول زياره ليا هنا
يمكن انا لسه معنديش خبره بالحياه الزوجيه او المشاكل الزوجيه دى
بس اللى انتوا فيه ده انا بعتبره زى الحرب البارده
فعلا زى الحرب
الحياه كده بتكون صعبه اوى
عن نفسى لما بتواجهنى مشكله
بحاول اواجهها بشكل مباشر
متترددش كتير
وتعالى على نفسك شويه
وحاول اخراج الشيطان من بينكم



تقبل تحياتى
ومدونتك رشحها اخى المعتصم
وان شاء الله هتكون على قائمه المدونات فى مدونه الاعلانات بتاعتنا

جنّي يقول...

السلام عليكم

كلماتك جميلة رومانسية حالمة ولكن بعد الانتظار والبحث ثم الحصول على الشريك .. لما>ا يتم التفريط فيه بسهولة ..

على فكرة ياريت تدخل مدونة موناليزا فيها موضوع جميل تحتاج لقرائته :

http://monaliza110.blogspot.com/

الجواز و سنينه يقول...

و الله حضرتك انا متعاطفه معاك جدا
بس عايزه افهم ايه الهدف من المدنه؟
بث مشاعر الحرمان لنا ؟
لسنا من تعطى الحب و الدفئ مهما كثر حبنا لشخصك
احتياج الانسان الحب و الحنان فى كل الاعمار مطلوب و عدم الحتياج له شيئ غير طبيعى
عايزه اقول فلسفتى الخاصه فى الامور دى
لما يكون عندك شويه تراب و تنظفهم على طول بترتاح بسرعه
لما التراب يكتر بتحتاج مجهود اكتر
و لما يكتر اكتر بتحتاج تجيب حد ينضفلك
لو ينفع تستشير اخصائى فى الحياه الزوجيه قد يفيدك اكثر مننا
قد يفيد كلاكما
فأكيد انتوا الاتنين غلطانين علشان تسيبوا الامور توصل للمرحله دى
و لا هيه مبسوطه و لا انت
لازم تدخل خارجى برضاكم
كان فيه دكتور رائع و الله كان بييجى على التلفزيون
لو لقيته هاجيب لحضرتك اسمه عله يفيد
مع امنياتى بحياه سعيده

Beram ElMasry يقول...

قيس بن الملووووح
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود

نفرتارى يقول...

حبيت اقول كل سنة وانت بألف خير .. وربنا يبعد عنك كل شر .. ان شاء الله .


تحياتى ،،،


نفرتارى

موناليزا يقول...

معقول علاقة زوجية توصل للدرجة دى!!!
طب هى لو دلؤتى ارتبطت مع واحد غيرك هتضايق ولا برضه عادى؟
وانت لو حبيت تتزوج واحدة تانية هتقولها وتخيرها ولا هى خلاص ملهاش رأى فى حاجة زى كده؟

ليه ماتستمتعوش بالباقى من حياتكم مع بعض
يا اما يحصل فراق بالمعروف
على الاقل لو شوفتوا بعض صدفة تسلموا على بعض لان كان فيه بينكم فى يوم من الايام عيش وملح
على فكرة كلام الناس مش هيفيد بحاجة لما ربنا يسألكم عن الحياة دى

تمنياتى ان ترجع الحياة الزوجية بينكما لما يرضى الله

حسن ارابيسك يقول...

الحقيقة احيي فيكما تلك الحكمة من أجل أشياء أخرى تستحق منكما أن تضعاها في المقدمة بحكم أنكما والدان يجب الا يفلت من بين ايديهما دفة حياة عائلة بأكملها وياسيدي الفاضل لانعلم بكره هايكون فيه ايه ان الله يغير القلوب بين يدية ادعوا لكما بالهداية وصلاح الحال
ثانياً جاءت قصيدتك جميلة جدا وياسيدي ان لم تكن تلك قصيدة فماذا تكون بالله عليك فهي رائعة
تحياتي
حسن ارابيسك

حاجات جوايا يقول...

حضرتك وجعت قلبى جداااااا
صعب جدا انك تعيش غريب عن شريك حياتك .. لا سلام ولا كلام .. ولا مشاركة فى الحياة
انا مش مع حضرتك ان ملكش فى الموضوع اختيار وان اللى حصل ده قدر
اللى حصل ده حصل بايديكوا انتوا الاتنين نتاج تراكمات السنين
طرف بيدى على طول
وطرف بياخد على طول
وكل واحد واقف مكانه مش بيتحرك وشايف انه صح والتانى هو الغلطان وعايزه يبدا بالصلح والتنازل
أخى الفاضل اسمحلى
انتوا مش اتنين صحاب وكل واحد بيقول كرامتى
انتوا زوج و زوجة
يعنى سكن ومودة ورحمة وعشرة وحلو ومر وكل حاجة فى الدنيا اتقسمت بينكوا بالنص
مهما كان الحب اللى لمسته فى المدونات قوى .. فهو هامشى وسطحى
دفئه سراب
واحتواءه وهم
لو لا قدر الله تعبت مش هتلاقى فينا حد جنبك
مش هتلاقى غير زوجتك واولادك
بحبهم وقلقهم ودفئهم الحقيقى مش بس مجاملة

انا طبعا مش عارفة ايه اللى وصلكوا لكده
بس اكيد حضرتك عارف
واكيد برضه عارف الحل
حتى لو كان بالتنازل .. فالحياة والعشرة اللى بينكوا تستاهل تنازل اى منكم عن حق من حقوقه

وحضرتك لو شايف انها قصرت فى حقك فى شئ
فاكيد حضرتك برضه قصرت فى حقها
مفيش حد كامل وكل الناس بتغلط فى بعض وبتقصر فى حق بعض حتى الاخوات والابناء ويمكن تقصيرها اخف من تقصيرهم بكتير بس عشان مكانتها كبيرة عندك شايفه كبير

أما بالنسبة للابناء
فلا تظن ابدا انهم غير متأثرين باللى بيحصل بينكوا حتى لو بان عليهم كده ..بالعكس هما متاثرين جدا واكيد اللى لسه متجوزش منهم بيعد الايام والليالى عشان يخرج لدنيا جديدة فيها حب ودفء واحتواء وحنان
مش برود وجفاف وصمت رهيب

وده ممكن أوى يأثر على اختياراتهم لشركاء حياتهم .. ويختاروا باستعجال لمجرد الهروب من الجحيم اللى عايشين فيه


انا آسفه لو كلامى ضايق حضرتك
أنا كل هدفى أساعدك على اعمار البيت مش الرضا بالحياة بين الاطلال

وعلى فكرة قلب المراة طيب جدا ورومانسى جدا واى كلمة طيبة وحلوة بتاثر فيه جدااااااااا

وكمان ابداء الاهتمام والرغبة فى الحياة مع الزوجة كزوجة وحبيبة وشريكة العمر مش بس أم وخادمة لك وللابناء بتعلى الزوج فى نظر زوجته الى حد بعيييييد وبتخليها احرص الناس على تلبية طلباته وعدم التقصير فى اى ناحية من نواحى الحياة


أخى الفاضل
استوصوا بالنساء خيرا

ورفقا بالقوارير

ربنا يصلح حالكم وحياتكم ويؤلف بين قلوبكم ويجعل كل منكم قرة عين الآخر ويسعكم بأبنائكم اللهم آمين

خالص تقديرى ودعائى
سالى

غير معرف يقول...

هو حضرتك فين
لعل المانع خير و نسمع سمع خير عن حضرتك
تحياتى
الجواز و سنينه

سما أحمد يقول...

للاسف لا املك تعليق مناسب لان الوصف صعب جدااا على الطرفين فمن كتب كتبه بسبب الالم الذي يشعر به مما آلت اليه الامور
والسبب الذي كُتب لاجله موجود ويتكرر بين
كل زوجين بعد مدة من الزمن ويتفاقم الموقف يوماً بعد يوم بسبب عدم محاولة احد الطرفين معالجة الامر باول اشارة خطر تهدد الحياة الزوجيه
اتمنى لك السعادة والحياة بحال افضل
ان شاء الله

على فكرة
الشعر من اجمل ما يكون :)

NoNa يقول...

السلام عليكم

كل التعليقات دى انت مردتش عاليهم

ساعات واحد بيحب يطلع للى جواه حتى لو كل ناس هاتهجمه رغم انك ممكن متقدرش تقول للى جواك لحد تعرفه تحب تطلعة بطريقة خواطر او سرد قصه بس

ممكن يكون كلامك غلط انت غلطان انت مبتعملش ده بس ده احساس داخلك نفسك بس طلعه وخلاص


بس احلى حاجة وعجبتنى جداا الشعر