الثلاثاء، 12 مايو 2009

*** وتستمر الرحلة "سنه أولي زواج" (2)

نحن لا زلنا في العام الاول سنركز عليه كثيرا فهو مفتاح السعادة أو الشقاء في الحياة الزوجية به تقام بيوت علي السعادة والتفاهم وبه تئن بيوت من التعاسة والعبودية... عام ملحمة وأية ملحمة...رويدا رويدا يبدأ الزوج في النزوح من البيت وتبدأ الزوجة في الهجرة إلي بيت أبيها يحن كلا منهما إلي النصف الاول من حياته مع انه كان يتحرق شوقا إلي نصفها الثاني وها هو النصف الثاني فلما الهروب ؟...إننا نتعامل مع التجارب الإنسانية كمن يشعل عود ثقاب أو يستخدم مناديل ورقية مرة واحدة ثم نلقي بها لا مرات عديدة تضفي البهجة والدفء كلما حل شتاء قارس في رحلة العمر...يبدوا أن العشب أفضل في الناحية الأخري من السياج هكذا يقول المثل الانجليزي ..يرحل الرجل إلي أمه طالبا نكهة الطعام المفعم بخبرات السنين بعدان أصبح يصرخ مثل الأرنب سوسو محتجا علي رتابة الوجبات الغذائية ( قصة كانت تدرس لنا في كتاب المطالعة) كل يوم خص وجزر...كل يوم خص وجزر لقد كانت الأيام الأولي مجرد استعراض مهارات من الزوجة ألقت فيها بكل خبراتها وأصبحت صفر اليدين فليس هناك سوي الخص والجزر وكما تعلمنا أن أقرب الطرق إلي قلب الرجل معدته وهو طريق تفقده المرأة فلا يصبح رأي للرجل فيما يأكل أو يشرب بل ويطارد بعبارات التقريع إذا ما اعترض علي طعام أو شراب..." ما نتاش شايل مسؤولية إذا كنت بتشتغل أنا برضه بأشتغل وأجي من الشغل جري علي المطبخ"... تزل قدم الرجل أيضا من علي الطريق إلي قلب المرأة فتصبح الكلمات علي شفتيه باهته لا تحمل أي معني للدفء العائلي أو للحب العذري وقديما قالوا إن المرأة تأكل من أذنيها...ولكن يبدوا أن للرجل رأي أخر بعد أن ذابت كل الكلمات الحلوة في فمه ورغم أن الكذب من المباحات في مثل هذه المواقف إلا أنه لا يحاول...يصبح اهلها ودائرة معارفها في بؤرة الاهتمام هذه تزوجت وهذه مرضت وتلك ابنها نجح وكأن زوجها أجنبي لا أهل ولا أصدقاء له في هذا الوطن ...ما أجمل موائد الطعام التي تمد لذويها وكيف هي عامرة بكل ما لذا وطاب...وكيف تتحول فجأة إلي العقلية الاقتصادية المدبرة التي تراءف بزوجها وتحافظ علي ماله إذا ما كانت الوليمة لأحد من أهله... رغم أن حماته لا تدخل البيت إلا وهي محملة بكل ما لذ وطاب فكما يقول المثل "جوز البنية غالي عليا " إلا أن حماته لا تنزل له من زور...خنقاني قاعده في قرابيزي ليل ونهار...ربما انتقام خفي من عدم اهتمام الزوجة بأهله ...مع الأيام يحل الشجار محل الحوار...يحاول الزوج أن يسترد ما فقده من صلاحيات ولكن هيهات هيهات...يتسرب الملل إلي الحياة الزوجية تتباعد خطوط الالتقاء ...حتي العلاقة الحميمية تصبح أداء واجب أو أداة عقاب ...يكسو الجليد جنبات البيت...ينتبها سويا إلي ذلك لكن سرعان ما تعود المياه إلي عكس مجاريها...هل هي رحلة حياة أم رحلة صراع ؟ سؤال لا يتطرق ابد الي ذهنيهما وتظل الساقية تدور وتدور وتتراكم ووسط هذا الجو ينشأ الأبناء الذين سوف يعيدون نفس المشاهد الحقيقية لا التمثيلية في رحلة الحياة.


هناك 34 تعليقًا:

إيناس حليم يقول...

اسلوب سردك جميل جدا

رغم اللمحات التشاؤمية في كلماتك

تقبل تحياتي

Soul.o0o.Whisper يقول...

أنا قلت بس أسلم على حضرتك

و احجز مكان لحد مارجع من الشغل
:)





سلام مؤقت

yomna يقول...

بقرأ الكلام وكأن بالظبط شريط ماشي قدامي لمواقف وبيوت شوفتها .. سبحان الله
كلام حضرتك بيخليني اقف عند حاجات معينه وافكر فيها اوي
بوست متميز :)

Soul.o0o.Whisper يقول...

السلام عليكم و رحمة الله و بركاته

شوف يا أستاذى العزيز

فى نظرى- و مع اعتذارى الشديد فيما سأقول-

ان المواقف دى كلها نتيجة إن واحد حب يرتبط ، اتقدم لواحدة عجبته
خطبها .. عاشوا فترة الاحلام الرومانسية
اتجوزوا .. اكتشفوا طبيعة الحياة و المسئولية اللى عليهم ..
فيإما هيكملوا بس بعد ما قسوة الحياة جمدت مشاعرهم
ياهينفصلوا لأنهم مش قادرين يتحملوا المسئوليات اللى عليهم

كمان بالطريقة اللى حضرتك بتحكيها
مفيش حوار أصلا بينهم
مفيش مناقشات و قرارات مشتركة

كل واحد بيتصرف حسب ماهو شايف
وطبعا شايف نفسه مظلوم



الحل من البداية
أن يكون كل واحد عارف طبيعة الحياة اللى هو مقبل عليها
و يكون الاختيار عن اقتناع عقلى
و قلبى

و إذا ماكتشفوش دا الا بعد الجواز
فعليهم بالحوار و بدء الحياة و كأنهم بيتعرفوا على بعض من أول و جديد

و يتفقوا ازاى هيمشوا امورهم
دى وجهة نظرى




دمت بود

ساره النومس يقول...

اخي الغالي ...

وددت لو تضع موضوع يتحدث عن الزواج بعد علاقة حب ... ولكن في حالتين ..

الحالة الأولى عندما يكون الحب المتمركز فيالقلب ..

والحالة الأخرى الحب المتمركز في القلب والعقل ...

أعتقد بأنك ستبدع بالموضوع :)

اشكرك

قيس بن الملووووح يقول...

Soul.o0o.Whisper
احترم رايك كثيرا لكن الحال يكون اصعب من ذلك حتي بين الذين تزوجوا عن حب واقتناع وليس زواج تقليدي.
سيدتي في كل البيوتات لا صوت يعلو علي فوق صوت المرأة.
انها لديها غريزة السيطرة والقيادة حتي ولو من وراء الستار ...الرجل بطبيعته لا يحب ان يقهر ولكنه يستطيع ان يتكيف مع الواقع وهو بطبيعته عمليا يعني واحد زائد واحد يساوي اثنين.
الحوار مع المرأة صك استسلام لكل رغباتها

قيس بن الملووووح يقول...

طموحة مملوحة
اقتراحك سوف يكون احد الموضوعات التي سوف اتطرق اليها

قيس بن الملووووح يقول...

ايناس حليم
ممنون جدا

قيس بن الملووووح يقول...

يمنا
ممنون جدا

اسماء واحلام فى وجدانى يقول...

سيدى الفاضل اشكرك جدا لزيارتك الطيبة ومع اننى مقصر جدا فى حق حضرتك
جدا جدا
اشكرك على تعليقك الكريم ولو إنى اود قول شىء صغير هو ان من بكى فى كلماتى لست انا انما هو خيالى فكلماتى ليست تمس واقعى وان كانت تمسه فبكل تاكبد ليس بهذه الدرجة فهذه ليست طبيعتى وبكل تاكيد انا احترم رايك اذا كان فى كلماتى او حتى فى شخصيتى
لك منى كل الود والحب
احمد

حياتى نغم يقول...

السلام عليكم / أرى أن الأمر ممكن وصوله لهذا السوء إذا استسلم الزوجان للروتين وأعباء الحياة والدنيا تلعب بحياتهم ، أما لو جاهد الزوجان على أن يظل الحب يجمعهم والسعادة سوياً هدفاً لهم كما كانت أحلامهم مع حسن العلاقة بالله الذى يحفظ الحب ويرعاه ستكون الحياة أجمل كلما مرت بهم السنين .
دمتَ بخير وتوفيق وسعادة .
اسمح لى أستاذى أن ألفت نظركم لحذف تعليق بالتدوينة السابقة يؤدى لصفحة منافية للآداب .
تم نشره بمدونتى والعديد من المدونات وتم حذفه ولله الحمد .

المعتصم يقول...

بسم الله الرحمن الرحيم
السلام عليكم ورحمة الله وبركاته
المهندس العزيز
قيس بن الملووح
تحياتى
اولا اشكرك جدا على زيارتك الكريمه
وعلى نصيحتك فى موضوعى
(ولو انى لسه متردد على الرغم من انى عاوز فعلا ارتبط بالانسانه دى)
ثانيا :
كأنى ارى العديد من العلاقات الزوجيه امامى رؤيا العين وانا اقراء البوست فقد جسدت مايحدث للاسف فى بيوتنا المصريه بصورة واقعيه وسرد ممتاز
ولعلنا نحاول التعلم والاستفاده حتى لانمشى على نفس الدرب
تقبل مرورى وتحياتى
ودمت بكل خير وود
والسلام عليكم ورحمة الله وبركاته

فشكووول يقول...

العزيز قيس بن الملوح
يا عزيزى تدوخنا الدنيا ومش عارف احنا عايزين ايه منها بالضبط
فى الاول الشاب عايز حبيبته وروح قلبه والذى منه وبعدين .......
برضه الواد متعود على طعام امه الذى يتذوقه خلال من 20 الى 30 عاما وهى كمان عايزه حضن امها اللى برضه كانت فيه حوالى من 20 الى 30 عاما
المهم الموازنة بين تلك الرغبات وبين بيت الزوجيه
اعتذر للغياب فى الحضور فقد كنت فى رحلة عمل حوالى 8 ايام وعدت اليوم الخميس المغرب
تحياتى

Kiara يقول...

بابتي بابتي اسيك حامل ايه بقي من غيري

زحلان تبعا

اتاخرلت في البوثت دا بث المهم انك بخير

هسال سوال

هو لما هتجوز هتكون حياتي كدا :(؟؟

Kiara يقول...

انا راسمه للحياه شكل تاني خوفتني يابابتي

قيس بن الملووووح يقول...

سوفي يابنتي
طبعا انت بنت ذكيه ومتنوره وعمرك ما ها تقعي في نفس الغلطات
اوعي تخافي انا عامل المدونه دي جرس انذار للمقبلين علي الزواج واللي في بداية حياتهم اما احنا راحت علينا خلاص.
شلام يابنتي

Kiara يقول...

الله ينور كدا يابابتي

وربنا يهدي سر البيووووووووووووت

شمس النهار يقول...

المدونه جميله جدا
وعايزه مجهود في التعليق بها

بحتفظ بحقي في التعليق لاحقا
الكلمه امانه
وعشان اعلق في البوستات الجميله دي

لازم اعلق بعدين عشان اقدر اتكلم صح علي الكلام اللي من العيار التقيل ده
وبشكرك علي المجهود المبذول في المدونه

قلب ارهقته الاحلام يقول...

أسلوبك جميل جدا

بس بصراحه انا مع الرجاله :)

شايفه الايام دي انهم بعد الجواز بيبقوا غلابه

والستات بعد الجواز كتير منهم فعلا بقت حاجه لاتطاق

بالذات ف التعامل مع اهل الزوج وكأن علاقتها بيهم أنتهت يوم الفرح

نورت مدونتي ياقيس

ومدونتك جمييله ومفيدة بجد

تحياتي ليك ,,,

ستيتة يقول...

طيب ليه؟
ليه هو ساكت
ليه هي متسلطة
ليه اهلها حلوين
ليه اهله مكروهين
ليه ممكن تحول العلاقة الحميمية الى الروتينية او الوسيلة العقابية


وبعد كل ده ليه ممكن تفضل العجلة تدور؟

يااما يطبعوا العلاقات من قبل الجواز
ياإما يزيتوا التروس صح ويعملوا وقفات صيانة
يااما كل منمنا يروح لحاله

طـائر الليــل الحـزين يقول...

ياخبر كل ده فى الحياة الزوجيه
انا اكيد هختلف معاك شوية
عشان زى ما فى اللى وصفته
فى برده ناس مش تعمل كده خالص
يعنى مش لازم ان كل واحد يبقى مسروع انه يروح عند مامته عشان كل اللى انت قولته
يعنى فى كده وفى كده
والامثلة للحالتين قدمنا فعلا
تحياااااااااتى

قيس بن الملووووح يقول...

الي ستسته حسب الله الحمش
ان ما يحدث من الزوجين نتيجه تراكمية لتربيةخاطئة لكل منهما في بيت ابيه وفي المجتمع...وقد يكون الحل الناجع ان يذهب كل واحد الي سبيل حاله ولكن اوؤكد لك ان نسبة ليست بالهينة علاجها في هذا الحل ولكن كما قلت القيود المجتمعية تحول دون ذلك.

قيس بن الملووووح يقول...

طائر الليل الحزين
الحياة طبعا ليست بهذا المنوال لكننا نعرض اغلب ما يعكر صفو الحياة الزوجية حتي يتجنبها البعض لكن بالطبع عناك بيوتات ترسم طريقها بنجاح وتتفادي الوقوع في هذه المطبات.

سما أحمد يقول...

عنجد مقال مجحف بحق المرأة كتير
اكيد بما انه كاتب المقال رجل لازم يلقي بكل تبعات الموضوع على المرأة
انا عكس وجهة نظرك تماماااا ومن تجارب شفتها بقلك
الست اضعف من الطريقه اللي حضرتك رسمتها
الرجل باكانه يحتوي المرأة فعلا بطريقه يخليها عاشقه خادمة حبيبه ام ابنة واي صفه هو يحب ولكل صفه وقتها طبعاً
لكن الرجل اختصر الحياة الزوجية بكلمتين

اكل واولاد

ونسي انه الزواج اكبر بكتير من واقع ندفن انفسنا داخله
الشغل وتعبت وبتعب عشانكم وووو تذمر ليل نهار
اما هي فلازم تسكت طبعا
مجبرة تطبخ وتنضف وتدرس الاولاد وتشتغل كمان وهي مكتومة وممنوع تشكي
ولو قالت اه تعبت
بتكون نكدة وصعب التفاهم معها
صدقني اصعب ست ممكن تضحك عليها بكلمة حلوة وتحسسها انها وحيدة بحياتك وانها الافضل والاولويه وما بدها اكتر

طبعا انا بشكرك جدااا على طريقة سردك المميزة فعلا والرائعه
واتمنى رأيي ما يضايقك
ولي عودة للمتابعه
فالموضوع راقني جدااا
:)

قيس بن الملووووح يقول...

اي سما احمد
اولا :- انا سعيد جدا بزيارتك ولا يمكن ان اكون متضايق من رايك مهما اختلفت معي.
ثانيا:- انا حاولت ان اكون متوازنا بين سرد تصرفات الرجل وتصرفات المرأة والتي تؤدي الي الجفوه قد اكون من وجهة نظرك متحامل ولكن من وجهة نظر الاخرين متعادل والمسألة نسبية.
ثالثا :- الوقائع التي ارصدها قد لا تحدث جميعها في بيت واحد ولكن ما ارصده محصلة لما يقع في الكثير من البيوتات.
رابعا:-
صدقني اصعب ست ممكن تضحك عليها بكلمة حلوة وتحسسها انها وحيدة بحياتك وانها الافضل والاولويه وما بدها اكتر
هذا جزء من تعليقك وهذا ما قلته نا في البوست عندما قلت "... تزل قدم الرجل أيضا من علي الطريق إلي قلب المرأة فتصبح الكلمات علي شفتيه باهته لا تحمل أي معني للدفء العائلي أو للحب العذري وقديما قالوا إن المرأة تأكل من أذنيها...ولكن يبدوا أنللرجل رأي أخر بعد أن ذابت كل الكلمات الحلوة في فمه ورغم أن الكذب من المباحات في مثل هذه المواقف إلا أنه لا يحاول.
خامسا قوة الست في ضعفها فامام ضعفها يقبل الرجل بالكثير منِ التنازل.
سادسا : كما قلت سابق ان مدونتي هذه ليس سبقا بين الرجل والمرأة ولكن من خلا لها ومع القراء احاول ان اضع علامات علي الطريق يهتدي بها كل مسافر في هذه الرحلة.
تحياتي

سما أحمد يقول...

اكيد مرورك بمدونتنا وزيارتك شرف كبير
وطبعا وجهة نظرك بحترمها وبقدر مرورك واهتمامك
عاجزة عن شكرك
برضه اكيد في نوع من الظلم صدقني ما بعرف لو فعلا ما بتعود للكلمة الحلوة اهميه
بعد فترة من الزواج
لكن من وجهة نظر خاصه ومش شرط تكون سليمة مية بالمية انا بخالفك الرأي
واكيد بنتمنى من خلال مدونتك وطروحاتك نتوصل لخلاصة تجارب وحلول والوصول لفكرة موحدة تنصف الطرفين كما تضع تصرفات الطرفين ايضاً تحت المجهر وتحاسب كليهما
ولا تحاسب طرف على حساب الاخر حتى يكون الطريق ان شاء الله منير لحياة كل من هو مقبل على هذه المرحلة الانتقاليه الصعبه في حياة المرأة والرجل على حد سواء

تسلم ايدك والف شكر
على الاهتمام واكيد هو مو اختلاف لكن حب نقاش لاثراء افكاري من توجهات وخبرات حضرتك وحتى استفيد اكتر

سما أحمد يقول...

بالنسبة لقوة او ضعف المرأة فانا بنظري المرأة ضعيفه مهما حاولت تبان قوية ممكن انا غلطانة او ما شفتش عينات كتيرة وشفت عينة معينة من النساء
ماما وخالاتي متلا واخواتي

واكيد مفيش اجمل من المرأة لما تكون إمرأة فعلا برقتها وتركيزها على احترام رجولة وعنفوان زوجهاوعدم تعنتها واصرارها على تبادل الادوار
فالرجل رجل يمثل رأس الهرم والمرأة انوثة وصدر حنون تشاركه ولا تنافسه في دوره في بناء البيت والمحافظة على اساسه
وشكراااا كتير لحضرتك
و

معلش اسفه على الثرثرة بس الموضوع حلو كتير وبيجذب

غير معرف يقول...

قرأت تدويناتك السابقة، فكان لي هذا الرأي: أنك قد أتخذت قرارك وما تكتبه هنا هو لتقنع نفسك بصواب قرارك.. لكن الذي يُعَجبُني هو وصفك لزوجتك -ضمناً- بالخشبية!.. ولست هنا لأُنكر عليك أي كلمة قلتها فأهل أهل البيت أدرى بما في داخله.. لكن شخص بهذه المشاعر الـ(...) كيف تمكن من الإستمرار كل هذه السنين دون أن تجف مشاعره هو أيضاً!.."حدث العاقل بما لا يليق فأن صدق فلا عقل له".. ومن عاشر قوماً أربعين يوما صار منهم.. خاصة وأن أولادكم نشأوا وهم لا يأبهون لهذا التصحر!
ولم تأخرت بأتخاذ القرار الفصل، كل هذه السنوات العجاف!.. عندها سيكون حكم المجتمع أرحم عليكما أنتما الإثنان.. شئت أم أبيت فإن المجتمع سيرميكما بالإرتداد!
لا أعلم لم وضعتُ إنفيرتر قبل كل ما أقرأه هنا:)
فأرى أنك متيم بزوجتك حقيقة:)
حتى الصورة الرمزية التي وضعتها لنفسك، كأنك أردت أن تقول أنك على النقيض منها تماماً!.. وهذا ما أتصوره:)
وأخيراً أعتذر جـــــــــــــــــداً على أشواك الصراحة

قيس بن الملووووح يقول...

الي غير معرف
انا لا اغضب من الصراحة فالصراحة راحة...وانا لا احمل الزوجة كل الاخطاء ولكن من المؤكد انها اخطاء متبادلة وربما لو عرضت هي وجهة نظرها سوف يكون هناك راي اخر.
الحياة لا بد ان تستمر والمركب لا بد ان تسير مهما كانت الظروف هذا ما اتخذناه قرارا...جفت الاحاسيس والعواطف فلتجف لكن لا يجب ان نحمل الابناء اخطائنا.
تحياتي

مهرة سالم يقول...

السلام عليكم.......
بالفعل هذا ما يحدث لأغلب الأزواج...
ولكن للأسف لا أحد يعتبر...
بدايتا الإثنان يتركان الدنيا من أجل أن يكونا مع بعض...
وبعدها يريد كل واحد منهما العوده لحياة العزوبيه..
والحياة الزوجيه تصبح مضطربه...
........
أظن نحن نفتقد فن ما بعد الزواج...
......
دمت بخير

mahasen saber يقول...

انا جيت اهه لان حضرتك بتقلى مبتزرناش ليه

وانا طبعا لا اجرؤ على ذللك

الموضوع هام ومفيد جدا

وحضرتك بخبرتك طرحته بشكل جذاب جدا

ربنا يجعله مفيد لكل زوج وزوجه ان شاء الله

فشكووول يقول...

قيس بن الملووووح
بقى لى مده ما جيتش واتارينى لى تعليق هنا
عموما ما يضرش
تحياتى

م/ الحسيني لزومي يقول...

فينك يا عمي قيس لماذا هذا الغياب ؟
نحن في انتظار جواهرك الثمينه
تحياتي

E73 يقول...

وكل ده في سن أولى زواج؟!

يبقى الواحد يتجوز ليه بقى ماهو قاعد في بيت أهله معزز مكرم واكل شارب نايم وقاعد على النت كمان

بس تعرف حضرتك الحلقة دي كان نازل مشكلة زيها في بريد الجمعة بتاع جريدة الاهرام مش كلها بس مشكلة ان الزوجة بتهتم بأهلها قوي على حساب أهل الزوج

هي ظاهرة منتشرة للدرجادي بعد الزواج؟!